Jeeagh er bun Rollage

[[Coadan:Starsinthesky.jpg|right|thumb|350px|Ard ta gientyn rollageyn ayns [[Bodjal Mooar Magellan]].<br />Jalloo veih [[NASA]]/[[ESA]].]]
Ta '''rollage''' (ny '''rolt''', '''roltag''', ny '''rontage''' ny keayrtyn) çheet er bluckan feer vooar soilsheenagh dy [[plasmey (fishag)|phlasmey]] t'er ny freill ry-cheilley liorish [[ym-hayrn]]. Ec jerrey seihill ny rollage, s'foddee dy vel ee cummal cooid jeh [[stoo mee-ghooghyssagh]]. She [[yn Ghrian]] y rollage s'niessey da'n [[Yn Chruinney|Chruinney]], as she bun y chooid smoo jeh [[bree]] er y Chruinney ee yn Ghrian. Ta rollageyn elley ry-akin veih'n Chruinney car yn oie choud's nagh vel sollys ny Greiney ny phenomenonyn aeraghtagh soilsheeney ny cur eie er sollys ny rollageyn elley. Dy shenndeeagh, va ny rollageyn smoo baghtal 'sy [[Magher niauoilagh|vagher niauoilagh]] currit ry-cheilley stiagh ayns [[co-hollys rollageagh|co-hollyssyn rollageagh]] as [[roltagys]]syn, as va enmyn currit er ny rollageyn by-yilley. Ta [[catalog ny rollageyn|catalogyn dy rollageyn]] er nyn gur ry-cheilley liorish rollageyderyn, as t'ad kiarail [[enmys rollageagh|enmyssyn rollageagh]] cadjinit.

Er feie cooid jeh'n theihll eck er y chooid sloo, ta rollage soilsheeney rere [[co-haaghey çhiass-heshveanagh]] jeh'n [[hiddragien]] 'sy chree eck. Ta'n obbraghey shen skeaylley yn vree as t'ee goll harrish y çheu sthie jeh'n rollage, as lurg shen, goulraghey magh 'syn [[feaynid mooar|eaynid mooar]]. Va begnagh dagh [[bun-stoo]] najooragh ny s'trimmey na'n [[hailium]] crooit ec rollageyn, rere [[co-haaghey çheshveanagh rollageagh]] car y lhing oc, ny rere [[co-haaghey çheshveanagh olloonova]] car bleaystey ny rollageyn. Foddee rollageyderyn feddyn magh [[glout]], eash, [[meainaghys|stoo-sthie kemmigagh]] as ram troyn elley jeh rollage rere goaill baght er y [[spectrum]], er y [[soilsheenaght|toilsheenaght]], as er y ghleashaght eck harrish yn 'eaynid mooar. She lane ghlout dy rollage yn ard-chronalagh ayns [[aafilley rollageagh|aafilley]] as erree jerrinagh y rollage. Ta troyn elley jeh'n rollage reaghit liorish y çhennaghys aafillee eck, goaill stiagh y crantessen, yn çhyndaa, yn ghleashaght as yn çhiassid eck. Ta kaart jeh çhiassidyn jeh ram rollageyn noi'n toilsheenaght oc, kaart t'er enney myr [[graf Hertzsprung-Russell]] (graf H-R), lhiggey da feddyn magh eash as staydys yn-fillee yn rollage.

Ta rollage goaill toshiaghey myr bodjal cohionnee jeh stoo ta jeant ass hiddragien son y chooid smoo, agh lesh beggan dy hailium as bun-stooghyn elley. Choud's ta cree yn rollage gloo dy fondagh, ta cooid jeh'n hiddragien ceaghlit gyn stad gys hailium liorish yn obbraghey ta enmyssit co-haaghey çheshveanagh.<ref name="sunshine">{{cite web
 | last = Bahcall | first = John N.
 | date = 29 Mean Fouyir 2000
 | url = http://nobelprize.org/nobel_prizes/physics/articles/fusion/index.html
 | title = How the Sun Shines | publisher = Nobel Foundation
 | language = Baarle
 | accessdate = 14 Nollick 2010 }}</ref> Ta'n chooid faagit jeh çheu sthie yn rollage gymmyrkey yn vree magh ass y chree trooid cochiangle dy obbraghyn [[goulraght|goulragh]] as [[co-ymmyrkey|co-ymmyrkagh]]. Ta broo sthie jeh'n rollage cur lhiettrimys er tooilley co-huittym fo trimmid yn ym-hayrn eck. Choud's ta'n conney hiddragien 'sy chree er ny hoo magh, ta ny rollageyn lesh 0.4 keayrtyn glout ny Greiney<ref name="late stages">{{cite web
 | last = Richmond | first = Michael
 | url = http://spiff.rit.edu/classes/phys230/lectures/planneb/planneb.html
 | title = Late stages of evolution for low-mass stars
 | publisher = Rochester Institute of Technology
 | language = Baarle
 | accessdate = 14 Nollick 2010 }}</ref><ref>{{ cite web | url = http://www.astronet.ru/db/msg/1170612/5lec/node5.html#SECTION00543000000000000000 | title = Лекции по Общей Астрофизике для Физиков "Leaghtyn er Fishig Rollageagh Chadjin da Fishigee" | last = Postnov | first = K.A. |language = Rooshish | accessdate = 14 Nollick 2010 | publisher = astronet.ru }}</ref> mooadaghey son dy ve nyn [[foawr ruy|voawir ruy]], as ayns cooishyn er lheh, co-haaghey ny bun-stooghyn by hrimmey 'sy chree ny ayns shligganyn mygeayrt y chree. Lurg shen, ta'n rollage aa-filley gys cummey mee-ghooghyssagh, as aa-choorsal cooid jeh'n stoo magh 'sy çhymmyltaght eddyr-rollageagh, raad dy nee yn stoo shen cur sheeloghe noa jeh rollageyn er bun, ga dy bee coreir ny s'yrjey jeh bun-stooghyn tromey ayndaue.<ref>{{cite web
 | url = http://observe.arc.nasa.gov/nasa/space/stellardeath/stellardeath_intro.html
 | title = Stellar Evolution & Death
 | publisher = NASA Observatorium
 | language = Baarle
 | accessdate = 08 Mean Souree 2010
 | archivedate = 2008-02-10
 | archiveurl = https://web.archive.org/web/20080210154901/http://observe.arc.nasa.gov/nasa/space/stellardeath/stellardeath_intro.html
 }}</ref>

Ta coryssyn dy [[rollage çhyndaaee|rollageyn çhyndaaee]] as coryssyn dy yl-rollageyn jeant seose ass daa ny ny smoo rollageyn. T'ad kianglt ry-cheilley trooid ym-hayrn as t'ad cruinlaghey mygeayrt-y-moosyn ayns [[Cruinlagh|cruinlee]] hickyr. Nar ta cruinlagh faggys ec daa rollage jeh'n torçh shen, s'foddee dy vel cleayney mooar echey shen er nyn aa-filley.<ref name="iben">{{cite journal
 | last = Iben | first = Icko, Jr.
 | title=Single and binary star evolution
 | journal=Astrophysical Journal Supplement Series
 | year=1991 | volume=76 | pages=55–114
 | url=http://adsabs.harvard.edu/abs/1991ApJS...76...55I
 | language = Baarle
 | doi=10.1086/191565 }}</ref> Foddee rollageyn dy ve nyn gooid jeh strughtoor ny smoo ta kianglt rere yn ym-hayrn, lheid as [[dhossan rollageagh]] ny [[ard-chruinnaght]].

== Enmyssyn ==
Va eie yn cho-hollys rollageagh er enney roish yn eash [[Babylon|Vabylonnagh]]. Ren arreyderyn shenndeeagh ny speyrey oie smooinaghtyn dy row ny rollageyn jannoo soyllaghyn 'sy speyr, as ren ad kiangley adsyn rish mynchooishaghtyn er lheh jeh'n najoor ny jeh nyn veayn-skeealyn oc. Va daa 'er yeig jeu nyn soie er yn [[ecliptagh]] as ren ad bun da'n [[astroaylleeaght]].<ref>{{cite book| author=Koch-Westenholz, Ulla; Koch, Ulla Susanne |year = 1995 | title= Mesopotamian astrology: an introduction to Babylonian and Assyrian celestial divination |publisher = Carsten Niebuhr Institute Publications. 19. Museum Tusculanum Press. |page= dg. 163 |isbn= ISBN 87-7289-287-0}}</ref> Va enmyn currit er rollageyn er lheh, ny rollageyn by-yilley son y chooid smoo, enmyn [[Ladjyn]] ny [[Arabish]] er lheh.

Mygeayrt ny bleeaney 1600 va enmyn ny co-hollyssyn rollageagh ymmydit son dy enmyssey ny rollageyn ayns ny h-ardjyn co-reggyrtagh jeh'n speyr. Ren y rollageyder Germaanagh [[Johann Bayer]] croo straih dy chaslyssyn rollageagh as chur eh sheese lettyryn Greagagh myr enmyssyn ny rollageyn ayns ny co-hollyssyn. Ny s'anmey, va corys currit er bun va jannoo ymmyd kiart-irree yn rollage as v'eh currit rish catalog ny rollageyn 'sy lioar ''"Historia coelestis Britannica"'' (lhieggan 1712) liorish [[John Flamsteed]], as ta'n corys shen er enney nish myr ''[[enmys Flamsteed]]'' ny ''earrooaghey Flamsteed''.<ref>{{cite web
 | url = http://www.iau.org/public_press/themes/naming/ | title = Naming Astronomical Objects
 | publisher = [[Unnaneys Rollageagh Eddyrashoonagh]] (URE)
 | accessdate = 2009-01-30 }}</ref><ref>{{cite web | url = http://seds.org/~spider/spider/Misc/naming.html | title = Naming Stars | publisher = [[Students for the Exploration and Development of Space]] (SEDS) | accessdate = 2009-01-30 | archiveurl = https://web.archive.org/web/20021014150732/http://seds.org/~spider/spider/Misc/naming.html | archivedate = 2002-10-14 }}</ref>

Rere [[leigh yn 'eaynid mooar]] cha nel agh un lught-reill eddyr-ashoonagh ayns shelloo eaghtyrys son enmyssey corpaneyn rollageagh - yn [[Unnaneys Rollageagh Eddyrashoonagh]] (IAU).<ref>{{cite book| author=Lyall, Francis; Larsen, Paul B. |year =2009 | title= "Chapter 7: The Moon and Other Celestial Bodies". ''Space Law: A Treatise'' | publisher = Ashgate Publishing, Ltd. |pages= dg. 176. |isbn= 0754643905}}</ref> Ta kuse veg dy cholughtyn preevaadjagh cur enmyssyn rollage er creck, ventyr t'er enney ec y [[Lioarlann Ghoaldagh]] myr ventyr traaghtee neu-oarderit.<ref>{{cite web | url= http://www.astrometry.org/starnaming.php | title="Star naming" | author = Scientia Astrophysical Organization. | year= 2005 | accessdate= 2010-06-29}}</ref><ref>{{cite web | url=http://www.bl.uk/names.html | title="Disclaimer: Name a star, name a rose and other, similar enterprises". | author=British Library | publisher=The British Library Board | accessdate=2010-06-29 | archivedate=2010-01-19 | archiveurl=https://web.archive.org/web/20100119033625/http://www.bl.uk/names.html }}</ref> Ansherbee, ta'n IAU cur fodjeeaght eddyr eshyn as ny colughtyn shen, as cha nel eh jannoo ymmyd jeh ny h-enmyssyn shen as cha nel ad er enney oc.<ref>{{cite web| last=Andersen| first= Johannes | title= "Buying Stars and Star Names" |url=http://www.iau.org/public/buying_star_names/ |publisher =International Astronomical Union | accessdate=2010-06-24}}</ref>

== Unnidyn towshan ==
Ga dy vel unnidyn [[Corys Eddyr-ashoonagh ny h-Unnidyn|SI]] as [[Corys ny h-unnidyn kentimeadar-gram-tullagh|CGS]] ymmydit dy chur sheese er ard-howshanyn rollageagh, ta unnidyn greiney ymmydit da'n chooid smoo son dy chur sheese er cruinnaghey, soilsheanaght as craueyn raadeeoil as ad bunnit er troyn ny Greiney ain:

:{|
|[[cruinnaghey greiney]]:
|<math>\begin{smallmatrix}M_\odot = 1.9891 \times 10^{30}\end{smallmatrix}</math>&nbsp;[[kilogram|kg]]<ref name="constants">{{cite journal | author = Sackmann, I.-J.; Boothroyd, A. I. | title=Our Sun. V. A Bright Young Sun Consistent with Helioseismology and Warm Temperatures on Ancient Earth and Mars | journal=The Astrophysical Journal | year=2003 | volume=583 | issue=2 | pages=1024–1039 | bibcode=2003ApJ...583.1024S | doi=10.1086/345408 |arxiv = astro-ph/0210128 }}</ref>
|-
|[[soilsheanaght ghreiney]]:
|<math>\begin{smallmatrix}L_\odot = 3.827 \times 10^{26}\end{smallmatrix}</math>&nbsp;[[watt]]yn<ref name="constants" />
|-
|[[craue raadeeoil greiney]]:
|<math>\begin{smallmatrix}R_\odot = 6.960 \times 10^{8}\end{smallmatrix}</math> [[Meadar|m]]<ref>{{cite journal
 | author= Tripathy, S. C.; Antia, H. M.
 | title=Influence of surface layers on the seismic estimate of the solar radius
 | journal=Solar Physics | year=1999
 | volume=186 | issue=1/2 | pages=1–11
 | bibcode=1999SoPh..186....1T  | doi = 10.1023/A:1005116830445
}}</ref>
|}

Ta lhiuridyn liauyrey, lheid as craue raadeoil rollageyn mooarey ny [[essylys lieh-vooar]] choryssyn rollageyn çhyndaaee, focklit ayns [[unnid rollageagh|unnidyn rollageagh]] (AU) - y lhiurid veanagh eddyr y Chruinney as y Ghrian (150 millioon km ny 93 villioon meeillaghyn).

== Jeeagh er neesht ==
* [[Rolley ny rollageyn smoo]]
* [[Rolley ny rollageyn s'niessey da'n Chruinney]]
* [[Clag rollageagh]]
* [[Rollageydys rollageagh]]

== Imraaghyn ==
{{rolleyimraaghyn}}

{{bun}}

[[Ronney:Rollageyn| ]]
[[Ronney:Rollageydys rollageagh]]
[[Ronney:Kiareyderyn sollysh]]